മൊയ്തീന്‍ കഥകള്‍

----------------------

ഏതാ ആന?

----------------

ചെറിയതോതിലൊരു ആനക്കമ്പം മൊയ്തീനുമുണ്ടു്. ആനയെ കണ്ടുകൊണ്ടു് എത്ര നേരം വേണ-

മെങ്കിലും നില്ക്കാം. മടുപ്പില്ല.

എങ്ങുനിന്നോ നടത്തിക്കൊണ്ടു വരികയായിരുന്ന ആനയ്ക്കൊപ്പം മൊയ്തീന്‍ കൂടുന്നതു് അങ്ങനെയാണു്.

ആനയെ കണ്ടും ആനക്കാരനോടു് ഓരോന്നോരോന്നു പറഞ്ഞും കുറേ ദൂരം ചെന്നപ്പോഴാണു് പാപ്പാന്റെ -

അപേക്ഷ.

മൊയ്ത്യാക്കാ.......ങ്ങ്ളു് ഈ ആനേനേം നോക്കി ദാ കൊറച്ചപ്രത്തു് ഇത്തിരിനേരം നില്ക്ക്ക്വോ?

പേടിയ്ക്കണ്ട..ആന അനങ്ങ് ല്ല്യ.അതിന് ഞാന്‍ വടി വെച്ചോളാം. ദാ, പ്പൊ വരാം.....

ആനയെ ഇഷ്ടമാണെങ്കിലും തളയ്ക്കാത്ത ആനയുടെ അടുത്തു നില്ക്കുക.പാപ്പാനില്ലാതെ. പേടി തോ-

ന്നിയെങ്കിലും മൊയ്തീനതു് പുറത്തു പ്രകടിപ്പിച്ചില്ല.

വേഗം വരണം...വീട്ടിലെത്തി നിയ്ക്കു് നൂറുകൂട്ടം പണിള്ളതാ...

ദാ....പോയ്യേതും ശരേന്നു ഞാന്‍ മടങ്ങിയെത്തിക്കോളാം. ....

കുറേനേരമങ്ങനെ നിന്നപ്പോഴാണു് മൊയ്തീനു് ഒരു സംശയം. പാപ്പാന്‍ അടുത്തില്ല എന്ന കാര്യം

ആന അറിഞ്ഞോ? തുമ്പിക്കൈ ഉയര്‍ത്തി , തലകുലുക്കി ഒരു വികൃതിയ്ക്കുള്ള പുറപ്പാടിലാണോ അതു്?

മൊയ്തീന്‍ പരിഭ്രമിച്ചു തുടങ്ങി. അപ്പോഴാണു് ആരോ വന്നു നില്ക്കുന്നതും ആനയെ നോക്കി ചില-

അഭിപ്രായങ്ങള്‍ പറയുന്നതും മൊയ്തീന്‍ കണ്ടതു്. ഒരു ജുബ്ബക്കാരന്‍ പ്രമാണി ആനച്ചന്തം നോക്കി രസിയ്ക്കുക-

യാണു്. ആസ്വദിയ്ക്കുന്നതിനിടെ അയാള്‍ മൊയ്തീനോടു് അന്വേഷിച്ചു.

അല്ലാ...ഏതാ ആന?

ചോദിച്ചു തീര്‍ന്നില്ല, അതിനു മുമ്പേ വന്നൂ ഉത്തരം.

ചങ്ങായ്....അണക്കു കണ്ണു കണ്ടൂടെ...ദാ, ഈ നിക്കണതന്ന്യാ ആന.....